ಅತಿಥಿ ದೇವೋ ಭವ

ನನ್ನದೇ ಜಾಗದಲ್ಲಿ


ನಿನಗೊಂದು ಮನೆ

ಬಾ ಬಾರೋ ಅತಿಥಿ

(ಅತಿಥಿ ದೇವೋ ಭವ)

ಚೆನ್ನಾಯಿತೆ ಜಾಗ?

ಹೇಳು , ಇನ್ನೇನು ಬೇಕೀಗ?

ಓಹೋ!

ನೀನಿರುವ ಜಾಗ ಮಾತ್ರ

ನಿನ್ನದಾಗಬೇಕೆ, ಸರಿ

ನಾವು ನೂರು ನೀನೊಬ್ಬ

ಭಾರವಲ್ಲ, ಹೋದರೆ ಹೋಯ್ತು

ನಿನಗೆ ಇರಲಿ ಜಾಗ.

(ಅತಿಥಿ ದೇವೋ ಭವ)

ಏನೆಂದೆ!

ನಿನ್ನವರನು

ಕರೆತರುವೆನೆಂದೆಯಾ

ನಿನ್ನ ಸ್ಥಳ ನಿನ್ನಿಷ್ಟ

ಅದಕೇಕೆ ನನ್ನಪ್ಪಣೆ?-----

ಬಾ ಅತಿಥಿ ಈ ದಿನ

ಹಬ್ಬ ಮನೆಯಲ್ಲಿ

ಕರೆ ತಾ ನಿನ್ನವರನು-------

ಸಂತೋಷ ಬಂದುದಕ್ಕೆ

ಇದೇನು ನಿಮ್ಮವ

ನಮ್ಮಲೇ ಬೆರೆತಿರುವ

ಇರಲಿ ಬಿಡು

ನಾವು ನೂರು ಅವನೊಬ್ಬ

ನಮಗೆ ಭಾರವಲ್ಲ

(ಅತಿಥಿ ದೇವೋ ಭವ)

----------------------------

ಮುಂದಿನದು ಪ್ರಶ್ನೆ

ಅದಕುತ್ತರ

ಕಣ್ಣೆದುರಿಗೆ

ಕಣ್ ಪಾಪೆ ಮುಚ್ಚಲಾರೆ

ಇಂದು ಭಾರತ

ಭಾರತದ ಭಾರತಿ ಬೇಡುತಿಹಳೆ

ರಕ್ತ ತರ್ಪಣ?