ಮಾತಾಡು ಗೆಳೆಯ

ಮಾತನಾಡು ಗೆಳೆಯ
ನಿನ್ನ ದನಿ ಕಿವಿಯೊಳಗೆ ತೇಲಿ ಬರಲಿ
ಎದೆಯೊಳಗೆ ಇಳಿದುಬಿಡಲಿ
ಭೋರ್ಗರೆವ ನದಿಯ೦ತಲ್ಲ
ಶಾ೦ತ ಸಾಗರದ೦ತಲ್ಲ
ಧುಮ್ಮಿಕ್ಕುವ ಜಲಧಾರೆಯ೦ತಲ್ಲ
ಹೂವುೊಳಗಿನ ಸ್ನಿಗ್ಧ ಬಣ್ಣದ೦ತೆ
ಮೀಟಿ ನಿ೦ತ ವೀಣೆ ನಾದದ೦ತೆ
ಮಗುವಿನ ಕಣ್ಣಿನ ನಗುವಿನ೦ತೆ

ಮಾತನಾಡು ಗೆಳೆಯ
ನಾ ನಿನ್ನವಳಾಗುವ ಮುನ್ನ
ನೀ ಅಪರಿಚಿತನಾಗುವ ಮುನ್ನ
ನೀನಾಡುವ ಪ್ರತಿ ಶಬ್ಧ
ಕಣ್ಮುಚ್ಚಿ ಕೇಳುತ್ತೇನೆ
ಆತ್ಮದೊಳಗೆ ದೇವನುಡಿ ಇಳಿಸಿಕೊಳ್ವ೦ತೆ
ದೇಗುಲದ ಘ೦ಟೆನಾದಕೆ
ಕಿವಿ ಅರಳಿ ನಿ೦ತ ಹಾಗೆ ನಿ೦ತಿದ್ದೇನೆ
ಆಕಾಶಕೆ ಮೊರೆಯಿಟ್ಟೇನುಪಯೋಗ
ಕಾಣ್ವುದೆಲ್ಲಾ ಅವಕಾಶ
ನಿನ್ನ ರೂಪು ಕಾಣಬೇಕಿದೆ
ದನಿಗೆ ನಾ ದನಿಯಾಗಬೇಕಿದೆ
ಎರಡೇ ಮಾತನಾಡು ಗೆಳೆಯ
ಮಾತು ನಿ೦ತು ಹೋಗುವ ಮುನ್ನ