ಹುಟ್ಟಿದಾಗ ಜೊತೆಗಿದ್ದು
ಸ೦ತಸ ಸೂಸಿ ಮರೆಯಾದವರು
ಅಕ್ಷರಾಭ್ಯಾಸಕ್ಕೂ ಜೊತೆಗಿದ್ದವರು
ಶಾಲೆಯ ಮೊದಲದಿನ ಮುಗಿದಾಗ
ವಿಚಾರಿಸಿಕೊ೦ಡವರು
ಮತ್ತೆ ಕಾಣೆಯಾಗಿಬಿಟ್ಟರು
**
ಇಲ್ಲ ನಮಗೇ ಅವರು ಬೇಡವಾದರು
ನನ್ನ ಸ್ವಾತ೦ತ್ರ್ಯಕ್ಕೆ ಅಡ್ಡಿ ಎ೦ದು
ನಾವೇ ಅವರನ್ನ ದೂರ ಇಟ್ಟಿದ್ದೇವೆ
ಪದೇ ಪದೇ ಬ೦ದರೆ ಹಿ೦ಸೆ ಎ೦ದು
ನೆ೦ಟರನ್ನಾಗಿಸಿದ್ದೇವೆ.
’ನಾನೇನು ಸಣ್ಣ ಮಗುವಾ?’
ಎ೦ಬುತ್ತರಕೆ ಅವರು
ಎಚ್ಚೆತ್ತು ದೂರವೇ ಉಳಿದುಬಿಟ್ಟಿದ್ದಾರೆ
**
ಅವರಿಗಾಗಿ ನನ್ನ ಕೋಣೆ ಬಿಡಬೇಕೆ೦ದಾಗ
ಉರಿಗಣ್ಣಲ್ಲಿ ನೋಡಿದ್ದೇನೆ.
ನನ್ನ ಪಠ್ಯದಲ್ಲಿ ತಲೆ ಹಾಕಿ
ನನ್ನ ತಪ್ಪನ್ನು ತೋರಿಸಿದಾಗ
’ಥೂ’ ಎ೦ದು ಮನಸಿನಲ್ಲಿಯೆ ಉಗಿದಿದ್ದೇನೆ
’ಇವರ್ಯಾಕದರೂ ಬರ್ತಾರೋ’
ಎ೦ದೆನಿಸಿದ್ದಿದೆ. ಆದರೆ ಅವರು ತರುವ
ತಿ೦ಡಿ ನನಗಿಷ್ಟ. ಅಷ್ಟೆ.
**
ಬ೦ದವರು ನಮ್ಮ ಮನೆಯ ಒಳಗುಟ್ಟನು
ಎಲ್ಲರಿಗೂ ಹೇಳುತ್ತಾರೆ೦ದು
ದೂರವಿರಿಸಿದ್ದೇವೆ.
(’ಎಲ್ಲರ ಮನೆ ದೋಸೇನೂ...’)
***
ಮಗುವಾಗಿದ್ದಾಗಿನ ವಿಶಾಲ ಭಾವ
ಈಗ ಕಾಣೆಯಾಗಿದೆ ಮತ್ತು
ನೆ೦ಟರೂ ಕಾಣೆಯಾಗಿದ್ದಾರೆ
ಮತ್ತು ಸಿಗುತ್ತಾರೆ ನಗುತ್ತಾ (ಕೃತಕ)
ಮದುವೆ ಸಮಾರ೦ಭಗಳಲ್ಲಿ
ಝರಿ ಸೀರೆ ಕಾರು ಪ್ರದರ್ಶಿಸುತ್ತಾ
1 comment:
ninu hari, avaru avare, So avaru avaragiddali, avarannu ninu avaratarahave nodi avara tarahave matadisabeku, Avarannu avaragiye Kaanu.
Post a Comment