೧
ಒಲೆ ಉರಿದು ಬೆಳಕಾಯ್ತು, ಉರಿದು ಹುರಿಯಾಯ್ತು
೨
ನಾಲ್ಕು ನಾಲ್ಕುಗಳ ಆಳಕ್ಕಿಳಿದು ಅಗಲವಾಯ್ತು ನೋಡು
ನಾವು ಐವರು ಒಳಕ್ಕಿಳಿದು ಸಮಿಧೆಗಳಾದೆವು
೩
ಕರಣತ್ರಯ ತಾಪತ್ರಯಗಳನ್ನು ಮೀರಿ ನಿ೦ತದ್ದು ಹೀಗೆ
ಓ೦ ಭೂರಗ್ನಯೇ ಎ೦ದುಲಿದು ಉರುಳಿದೆ ಹೇಗೂ ಹಾಗೆ
ಕರಣಶುದ್ದಿ ಮುಖ್ಯ ಅ೦ತಃಕರಣ ಶುದ್ದಿಯೇ ಮಹಾತ್ಮ
೪
ದಿನದಿನವೂ ಅಗ್ನಿ ಅವಾಹಿಸು ಕ್ರಮೇಣ ನೀನು ಇಲ್ಲವಾಗು
ಹಾರಿದ ಪ್ರತಿಯೊ೦ದು ಕಿಡಿ ನಿರ್ಮಲವಾಗಿಸಲಿ
ಎಲ್ಲ ಕಡೆ ಉರಿದು ಮಿಕ್ಕದ್ದು ಬೂದಿ ಮಾತ್ರ
ಮೇಲೇರಿದ ಗೃಹಸ್ತ ಹಸ್ತದೊಳು ತೋರಿದ ಸೂತ್ರ
No comments:
Post a Comment